صار ليومة في دار الثقافة لقاء جمع العديد من مناضلي المدينة دعات ليلو لجنة تكونت جديدة اسمها اللجنة المدنية للحفاظ على مكاسب الثورة باش تعرف بروحها و تعطي نضرتها للاومور الللي قاعدة تصير في بلادنا.. الاغلبية اجمعو على انو بلادنا رغم تاريخها النضالي الى انها ما عرفتش كيفاه تتصرف بعد الثورة حيث انو المعتمد اللي شارك في تزوير الانتخابات البلدية مازال شاد بلاصتو و كذلك الرساءل مازالت تخرج باسم رءيس البلدية..من النقاط الاساسية اللي خرج بيها اللقاء هي التأكيد على تعين معتمد جديد نظيف يا حبذا لو يكون ولد الجهة من حاملي الشهادات العليا يكون كطرف انجمو نتفاوضو معاه في القضاية متاع البلاد..و مبعد تجي حكاية المجلس البلدي اللي مباعد ما يتبدل المعتمد انشاء الله, تتقدم اسامي متع مواطنين و يقع الوفاق عليهم من قبل الاحزاب و الجمعيات و المنظمات اللي مش يكون بديل للمجلس الحالي لين تجي الانتخابات...
بادرة طيبة من المواطنين اللي اسسوا اللجنة هاذي وفمة شكون مل الاحزاب و الجمعيات و المنظمات مش يطلعو بيان مساندة و يبرهنو على استعدادهم للمساعدة و التشاور مع اللجنة و مضابينا البقية يعملو كيفهم و المواطنين يلتفو مع اللجنة هاذي من أجل مصلحة جبنيانة.
بادرة طيبة من المواطنين اللي اسسوا اللجنة هاذي وفمة شكون مل الاحزاب و الجمعيات و المنظمات مش يطلعو بيان مساندة و يبرهنو على استعدادهم للمساعدة و التشاور مع اللجنة و مضابينا البقية يعملو كيفهم و المواطنين يلتفو مع اللجنة هاذي من أجل مصلحة جبنيانة.
هي مبادرة طيبة لتصحيح الوضع الحالي بجبنيانة ، وهي مبادرة للحد من سيطرة بعض الأطراف باسم ثوريتها على إتخاذ القرارات(من تشغيل،وتنمية) التي تهم كل متساكني جبنيانة
ردحذفكلامك صحيح..و زيد حتى قراراتهم الثورية اللي يحكيو بيها زادت دخلت البلاد في حيط..بينما كي تجي لجنة مستقلة و زيد مدنية أكيد مش تاخو قرارات على قاعدة و أحنا بالطبيعة يلزمتا نساندوها بقوة من أجل مصلحة البلاد.
ردحذف